A ka jetuar Aristofani në antikitet para 2500 vjetësh?

Abstrakti

Zhvillimet e fundit në epokën e re të globalizimit pasqyrojnë ndryshimet dhe nevojën e shoqërisë shqiptare për të përparuar. Një rëndësi të veçantë sot në vendin tonë merr koncepti i arsimimit i cili pasqyron vlerat e shoqërisë. Theksi vendoset tek të mësuarit e gjuhës së huaj veçanërisht asaj angleze si një domosdoshmëri për t’u integruar, punësuar dhe edukuar. Modelet e mësimdhënies tradicionale tashmë ja kanë lenë vendin metodave ndërvepruese ku mësimdhënia ka në qendër nxënësin dhe jo më mësuesin. Kërkimet studimore kanë treguar se koncepti i mësimdhënies së gjuhës së huaj fokusohet tek nxënësi sepse i siguron atij të mësojë gjuhën në ndërveprim, për një përdorim real jashtë mureve të klasës. Kjo metodë i jep mundësi ta vlerësojë dhe ta përdori gjuhën dhe format e saj për funksione të ndryshme gjuhësore, si dhe nxit të menduarit kritik dhe krijues të nxënësit.
Mësimdhënia me në qendër nxënësin jep efikasitet në mësimnxënie duke e ekspozuar nxënësin në veprimtari komunikative duke kombinuar strategjitë, teknikat efikase të cilat e motivojnë nxënësin dhe i mundësojnë të shprehurin lirshëm të mendimeve dhe perceptimeve. Përdorimi i materialeve autentike, vlerësimi ndërkulturor nxit efikasitetin dhe pritshmërinë e nxënësve dhe mësuesve. Nëpërmjet nxitjes së mendimit kritik, nxënësit zgjerojnë korpusin gjuhësor, rrisin aftësinë njohëse të tyre.