Roli dhe kontributi i radios “Kosova e lirë” në informim dhe mobilizim luftarak gjatë luftës së lavdishme të Ushtrisë Çlirimtare të Kosovës

Abstrakti

Radio “Kosova e lirë” ka luajtur një rol të rëndësishëm dhe vendimtar gjatë periudhës së luftës së lavdishme të Ushtrisë Çlirimtare të Kosovës. Medium i themeluar nga Shtabi i Përgjithshëm i UÇK-së, kjo radio ka shërbyer si burim kyç informimi, motivimi dhe mobilizimi për ushtrinë që ishte fronteve dhe popullatës shqiptare në Kosovë. Përmes valëve të saj, asokohe në frekuencën 101 FM, radio “Kosova e lirë” ka arritur të transmetojë informacione të rëndësishme dhe të rrisë moralin e popullit dhe luftëtarëve, duke kontribuuar në mënyrë të ndjeshme në përpjekjet e tyre për liri. Radio “Kosova e lirë” ishte e organizuar me një strukturë të mirëpërcaktuar, e cila përfshinte gazetarë, redaktorë, teknikë dhe luftëtarë që raportonin nga terrenet e luftës, të dedikuar për përmbushjen e misionit të saj.