Shqiptarët e ndarë në Luftën e Parë Botërore-ritakim në dhimbje

Abstrakti

Lufta e Parë Botërore erdhi rreth një vit pasi Konferenca e Ambasadorëve në Londër i ndau trojet shqiptare sipas interesave të Fuqive të Mëdha dhe të fqinjëve ballkanikë. Ajo ndërpreu në mënyrë dramatike procesin e sapofilluar të sendërtimit të shtetit kombëtar shqiptar, i cili do të ishte parakushti themelor dhe shtylla kryesore për ndërtimin e institucioneve kombëtare të të gjitha llojeve, si bazat themelore të konsolidimit dhe progresit të kombit shqiptar e, në këtë kontekst, edhe të identitetit politik e shpirtëror kombëtar, si një nga shtyllat e këtij progresi.